نشر النائب ياسين العياري تدوينة عبر صفحته الرسمية بموقع التواصل الإجتماعي فايسبوك أكّد من خلالها أنّ رئيس الجامعة التونسية لكرة القدم وديع الجريء بصدد التحري بخصوصه و جمع معلومات حوله في محاولة منه لإيجاد ملفات فساد له.
و في ما يلي نص تدوينة النائب :
بعد فتحي لملف التشغيل الوهمي لوديع الجريء في مركز الطب الرياضي بنابل : عام كامل يخلص و مشى كان 3 مرات و نقلي للأمر قدام القضاء (العقوبة في صورة الإدانة 10 سنوات سجن) وديع يعمل مطلب نفاذ للمعلومة للبرلمان، يحب نسبة حضوري 🙂 ستجدها 100% يا وديع، 100% 🙂 فهل ستكون لك الشجاعة لنشرها كي تجيك؟
ماناش متحيلين على التوانسة كيفك! على عكسك، فلوسنا محللينها خدمة و تهنى لو كان في ذمتي المالية أقل ربع تفشة، كان لقاها غيرك و من زمان!
إلي بعثتهم يحفروا ورايا في باريس، في البلايص الي خدمت فيهم و سكنت فيهم، عادوا إليك بخفي حنين.
صاحبك و صديقك و الي يخدم لمصلحتك، مدير عام الأمن ينجم يواصل يتبعني زادة قد ما يحب، لا شيء نخفيه، كان ثمة ما يتلقى، راهم لقاوه السابقون.
المصدر: تونس الرقمية
